തെന്നിന്ത്യൻ ചലച്ചിത്ര മേഖലയിലെ ഒരു മുൻനിര നടനാണ് സൂര്യ. അദ്ദേഹത്തിന്റേതായി  അവസാനമായി പുറത്തുവന്ന 'റെട്രോ' ബോക്സ് ഓഫീസിൽ മികച്ച പ്രകടനം കാഴ്ചവെച്ചിരുന്നു.  ഈ ചിത്രത്തിന് ശേഷം, ആർ.ജെ.ബാലാജി സംവിധാനം ചെയ്യുന്ന 'കറുപ്പ്' എന്ന ചിത്രമാണ് സൂര്യയുടേതായി  റിലീസാകാനിരിക്കുന്നത്. സിനിമയിൽ 28 വർഷം പൂർത്തിയാക്കിയ സൂര്യ ഒരു നിർമ്മാതാവ് കൂടിയാണ്    'കറുപ്പ്' എന്ന സിനിമക്ക് ശേഷം തെലുങ്ക് സംവിധായകനായ വെങ്കട്ട് അറ്റ്ലൂരി സംവിധാനം ചെയ്യുന്ന തന്റെ 46-ാമത്തെ ചിത്രത്തിലാണ് സൂര്യ ഇപ്പോൾ അഭിനയിക്കുന്നത്. ഇതിനു പിന്നാലെ  'ആവേശം' ഫെയിം  സംവിധായകൻ ജിത്തു മാധവൻ സംവിധാനത്തിലും സൂര്യ അഭിനയിക്കാനിരിക്കുകയാണ്.   

ഈ സാഹചര്യത്തിലാണ് സൂര്യ മറ്റൊരു പുതിയ നിർമ്മാണ കമ്പനി ആരംഭിച്ചിരിക്കുന്ന   വിവരം പുറത്തുവന്നിരിക്കുന്നത്. ‘ഴകരം’ എന്നാണ് ആ കമ്പനിക്ക് പേരിട്ടിരിക്കുന്നത്. ഈ ബാനറിൽ  ജിത്തു മാധവൻ സംവിധാനം ചെയ്യുന്ന ചിത്രമാണത്രെ ആദ്യമായി നിർമ്മിക്കാൻ സൂര്യ തീരുമാനിച്ചിരിക്കുന്നത്. രണ്ടാമത്തെ ചിത്രം സംവിധായകൻ പി. രഞ്ജിത്തിന്റെ ചിത്രമായിരിക്കുമെന്നും റിപ്പോർട്ടുണ്ട്.   സൂര്യക്കും, ജ്യോതികക്കുമായി ‘2D എന്റർടൈൻമെന്റ്’ എന്ന പേരിൽ ഒരു നിർമ്മാണ കമ്പനി ഉണ്ടെന്നുള്ള കാര്യം എല്ലാവർക്കും അറിയാവുന്നതാണല്ലോ?