മലയാള സിനിമയിലെ മുൻനിര നടന്മാരിൽ ഒരാളായ കുഞ്ചാക്കോ ബോബൻ നായകനായി അഭിനയിച്ചു  കഴിഞ്ഞ വർഷം റിലീസായ ചിത്രമാണ് 'ബോഗൻവില്ല'. അമൽ നീരദ് സംവിധാനം ചെയ്ത ഈ ചിത്രം പ്രതീക്ഷിച്ച വിജയമായില്ല. എന്നാൽ ഈ ചിത്രത്തിന് ശേഷം കുഞ്ചാക്കോ ബോബൻ അഭിനയിച്ചു ഈയിടെ റിലീസായി വമ്പൻ വിജയമായിരിക്കുന്ന ചിത്രമാണ് 'ഓഫീസർ ഓൺ ഡ്യൂട്ടി'. ജിത്തു അഷ്‌റഫ്‌ സംവിധാനം ചെയ്തിരിക്കുന്ന ഈ ചിത്രം  തമിഴ്നാട്ടിലും മലയാളത്തിൽ റിലീസായി വമ്പൻ വിജയമായിരിക്കുകയാണ്. 

 ഈ സാഹചര്യത്തിൽ 'ഓഫീസർ ഓൺ ഡ്യൂട്ടി' തമിഴിലും റിലീസാകാനിരിക്കുകയാണ്. ഈ മാസം 14-ന് ചിത്രത്തിന്റെ തമിഴ്  പതിപ്പ് റിലീസാകുമെന്നാണ് റിപ്പോർട്ട്. അതിനോടനുബന്ധിച്ച് തമിഴിൽ  ചിത്രത്തിന്റെ  ട്രെയിലരും പുറത്തിറങ്ങിയിട്ടുണ്ട്. 'മഞ്ഞുമ്മൽ ബോയ്സ്', 'പ്രേമലു' തുടങ്ങിയ ചിത്രങ്ങൾ തമിഴ്നാട്ടിലും പ്രേക്ഷകരുടെ ശ്രദ്ധ നേടി വൻ തോതിൽ കളക്ഷൻ നേടിയിട്ടുണ്ട്. മലയാളി പ്രേക്ഷകർക്ക് പുറമെ ഇപ്പോൾ ഇതുപോലെയുള്ള ചിത്രങ്ങൾ കാണാൻ തമിഴ് പ്രേക്ഷകരും താല്പര്യം കാണിക്കുന്നതിനാലാണ് ഇപ്പോൾ ചിത്രത്തിന്റെ തമിഴ് പതിപ്പ് പുറത്തിറക്കുന്നത് എന്നാണ് പറയപ്പെടുന്നത്.