കാന്താര’ സിനിമയിലെ പ്രധാന വേഷത്തിലെത്തുന്ന കന്നഡ താരം രാകേഷ് പൂജാരി ഹൃദയാഘാതം മൂലം മരണപ്പെട്ടു. ഒരു വിവാഹാഘോഷത്തില്‍ പങ്കെടുക്കുന്നതിനിടെയാണ് 33–കാരനായ രാകേഷിനു ഹൃദയാഘാതം വന്നത്. ഉടൻ തന്നെ നടനെ ആശുപത്രിയിൽ എത്തിച്ചെങ്കിലും മരണം സംഭവിച്ചു. ഒരാഴ്ചയ്ക്കിടെ കാന്താര 2 സിനിമയുടെ ഭാഗമായ രണ്ടു പേർ മരണമടഞ്ഞതിൽ ദുരൂഹതയും ഉയരുന്നുണ്ട്.

കാന്താര 2 അഭിനയിക്കാൻ പോയ വൈക്കം സ്വദേശിയായ കപിൽ സൗപർണിക നദിയിൽ കഴിഞ്ഞ ദിവസം മുങ്ങി മരിച്ചു. കൊല്ലൂരിലെ സൗപർണിക നദിയിൽ സഹപ്രവർത്തകരോടൊപ്പം കുളിക്കാനിറങ്ങിയ കപിലൻ മുങ്ങിത്താഴുകയായിരുന്നു.