'വീര ധീര ശൂരൻ' എന്ന ചിത്രത്തിന്റെ വിജയത്തിന് ശേഷം വിക്രം അഭിനയിക്കുന്ന ചിത്രത്തിന്റെ  സംവിധാനം നിർവഹിക്കുന്നത് ആനന്ദ് ശങ്കറാണ്. വിക്രമിനെ നായകനാക്കി 'ഇരുമുഗൻ' എന്ന ചിത്രം സംവിധാനം ചെയ്ത സംവിധായകനാണ് ആനന്ദ് ശങ്കർ. താൽക്കാലികമായി 'ചിയാൻ-63' എന്ന്   പേരിട്ടു ചിത്രീകരണം നടന്നു വന്ന ഈ ചിത്രത്തിന് ഇപ്പോൾ 'പവർ ഹവ്സ്' എന്ന് പേരിട്ടിരിക്കുന്നു. ഇന്നലെയാണ് ചിത്രത്തിന്റെ ഫസ്റ്റ് ലുക്ക് പുറത്തുവന്നത്. 'സർവം മായ' എന്ന ചിത്രത്തിലൂടെ മലയാളത്തിൽ ശ്രദ്ധ നേടിയ റിയ ഷിബുവാണ് നായകിയായി അഭിനയിക്കുന്നത്. ഈ ചിത്രത്തിലൂടെ തമിഴ് സിനിമാലോകത്ത് നായികയായി അരങ്ങേറ്റം കുറിക്കുകയാണ് റിയ ഷിബു! കൂടാതെ എം.എസ്. ഭാസ്‌കർ, ഉർവശി, സംയുക്ത ഹെഗ്‌ഡെ, ഷമ്മി തിലകൻ എന്നിവരാണ് മറ്റുള്ള പ്രധാന കഥാപാത്രങ്ങളെ അവതരിപ്പിക്കുന്നത്. സത്യജ്യോതി ഫിലിംസ് നിർമ്മിക്കുന്ന ഈ സിനിമക്ക് സന്തോഷ് നാരായണനാണ് സംഗീതം നൽകുന്നത്. ഈ ചിത്രത്തിനായി വിക്രം തൻ്റെ ശരീരഘടന മാറ്റിയുള്ള  ലുക്ക് ഇതിനകം തന്നെ ആരാധകർക്കിടയിൽ പ്രതീക്ഷകൾ ഉയർത്തിയിട്ടുണ്ട്. ചിത്രത്തിന്റെ 50 ശതമാനം ചിത്രീകരണം കഴിഞ്ഞു എന്നാണ് റിപ്പോർട്ട്!