ധനുഷിന്റെ മൂത്ത മകൻ യാത്രയെ അച്ഛന്റെ സിനിമാ സെറ്റുകളിൽ ഇടയ്ക്കിടെ കാണാറുണ്ട്. അച്ഛനോടൊപ്പം സിനിമാ പരിപാടികളിൽ പങ്കെടുക്കുന്നതിനു പുറമേ ധനുഷ് സംവിധാനം ചെയ്യുന്ന റായന്റെ സെറ്റുകളിലും അദ്ദേഹം ക്യാമറ കൈകാര്യം ചെയ്യുന്നുണ്ടായിരുന്നു. 

വണ്ടർബാർ സ്റ്റുഡിയോസിന്റെയും (Wunderbar Films) മുംബൈ ആസ്ഥാനമായുള്ള ആർടേക്ക് സ്റ്റുഡിയോസിന്റെയും (RTake Studios) ബാനറിലാണ് ചിത്രം നിർമ്മിക്കുന്നത്. രജനീകാന്തിന്റെ പഴയകാല മാസ് സിനിമകളായ 'ബില്ല', 'മുരട്ടുകാളൈ' എന്നിവയെ ഓർമ്മിപ്പിക്കുന്ന ഒരു കമേഴ്സ്യൽ മാസ് ചിത്രമായിരിക്കും ഇത്. ജി.വി. പ്രകാശ് സംഗീതവും, വേൽരാജ് ഛായാഗ്രഹണവും നിർവഹിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.സിനിമയുടെ ഔദ്യോഗിക പ്രഖ്യാപനവും പൂജയും ഉടൻ തന്നെ ചെന്നൈയിൽ വെച്ച് നടക്കുമെന്നാണ് പ്രതീക്ഷിക്കുന്നത്.