പൊങ്കലിന് പ്രദർശനത്തിന് എത്തേണ്ടിയിരുന്ന വിജയ് ചിത്രമാണ്  'ജനനായകൻ'. എന്നാൽ കദേശം 6 മാസത്തോളമായി സെൻസർ പ്രശ്നത്തിൽ കുടുങ്ങിക്കിടന്നിരുന്ന ഈ ചിത്രത്തിന് സെൻസർ ബോർഡ് അവസാനമായി 'A' സർട്ടിഫിക്കറ്റാണ് നൽകിയത്. ഇതിനെ തുടർന്ന് ഈ ചിത്രം ഈ മാസം 23-ന് തിയറ്ററുകളിലെത്തുകയും ചെയ്തു. 

ഈ സാഹചര്യത്തിൽ 18 വയസ്സിൽ താഴെയുള്ള കുട്ടികളുമായി ചിലർ ചെന്നൈയിലെ ചില തിയേറ്ററുകളിൽ സിനിമ കാണാൻ എത്തിയിരുന്നു. ഇതിനാൽ പരാതികൾ ഉയർന്നതിനെത്തുടർന്ന്, ബന്ധപ്പെട്ട സിനിമ നിർത്തിവയ്ക്കുകയും കുട്ടികളെ കൊണ്ടുവന്ന മാതാപിതാക്കളോട് തിയേറ്റർ പരിസരം വിട്ടുപോകാൻ ആവശ്യപ്പെടുകയും ചെയ്തു. ചെന്നൈയിലെ പല തിയേറ്ററുകളിലും ഈ പ്രശ്‌നം റിപ്പോർട്ട് ചെയ്തിട്ടുണ്ട്. 

സെൻസർ ബോർഡിൻ്റെ നിയമങ്ങൾ കൃത്യമായി പാലിച്ചിട്ടുണ്ടെന്ന് ഉറപ്പുവരുത്തിയ ശേഷമാണ് തിയേറ്റർ ജീവനക്കാർ ചിത്രം പ്രദർശിപ്പിച്ച് വരുന്നത്. ഇതിനാൽ ചിത്രത്തിന്റെ കളക്ഷൻ വളരെയധികം ബാധിച്ചിട്ടുണ്ട് എന്നുള്ള റിപ്പോർട്ടുമുണ്ട്.   കാരണം18 വയസ്സിനുള്ളിലുള്ള കുട്ടികളെ തിയേറ്ററിൽ പ്രവേശിപ്പിക്കാത്തതിനാൽ കുട്ടികൾക്കൊപ്പം  സിനിമ കാണാൻ വരുന്ന പ്രായപൂർത്തിയായവർക്ക് ഈ സിനിമ കാണാനുള്ള അവസരം നഷ്ടപ്പെടുകയാണ്! അതിലും വിജയ്, നിറയെ കുട്ടി ആരാധകർ ഉള്ള നടനാണ് എന്നുള്ളത് ശ്രദ്ധേയമാണ്!